६ पुस, काठमाडौं। गत मंसिर २० गते काभ्रेपलाञ्चोकको सानो वाङथलीकी ३३ वर्षीया लक्ष्मी परियारलाई मलमुत्र खुवाएर हत्या गरेको विषयमा दलित एकता सञ्जाल, अन्तर्रराष्ट्रिय समन्वय समितिले स्थलगत् प्रतिवेदन सार्वजनिक गरेको छ । बुधबार राजधानीको रिपोर्ट्स क्लबमा संजालले पत्रकार सम्मेलन गरेर दोषीमाथि हदैसम्मको कारवाहीको माग गर्दै पाँच जनाको टोलीले स्थलगत अध्ययन गरेको प्रतिवेदन सार्वजनिक गरेको हो । राष्ट्रिय महिला आयोगकी अध्यक्ष भगवती घिमिरेले बोक्सीको बारेमा कडा कानुन बनेपनि यसको कार्यन्वयमा सरकार चुकेको आरोप लगाइन । अध्यक्ष घिमिरेले कानुनको बर्खिलाप गरेर मानवलाई मलमुत्र खुवाई, पोलमा बाँधेर कुटिकुटि गर्नुलाई जघन्य अपराधको रुपमा लिएर सरकारले पिडकलाई कडा भन्दा कडा कारवाही गर्न माग गरिन् । ‘मृतक परियारको छोराहरुलाई राज्यले स्वास्थ्य, शिक्षा र लालन पालनको जिम्मा लिनुपर्ने बताउदै उनले प्रमुख राजनीति दलको ईच्छा शक्ति हुने हो भने समाजमा यस प्रकृतिका घटनाहरु नघट्ने दावी गरिन । दलित एकता सञ्जाल नेपाल, अन्तर्रराष्ट्रिय समन्वय समितिका संयोजक आश बहादुर नेपालीले लक्ष्मी परियारको हत्यामा संलग्नलाई राज्यले तत्काल कारवाही गर्नको लागि सरकार समक्ष जोड्दार माग गरेका छन् । उनले संस्थाले लामो समय देखि यस्ता जघन्य अपराधलाई नजिक रहेर हेर्ने गरेको र त्यस प्रकारका घटनाले समाजमा पारेको असर र प्रभावलाई मध्यनजर गरेर न्यायको पक्षमा उभिने गरेको बताउदै लक्ष्मी परियारको हत्यालाई पनि धेरै नजिकबाट नियालेको उनले बताएका छन् । रिपोर्ट सार्बजनिक कार्यक्रममा नेकपा एमालेका नेता जितु गौतम, राष्ट्रिय दलित आयोगका सदश्य सचिब सिताराम घले परियार, हस्त बहादुर बि.क, तिलक विश्वकर्मा, शान्ता बराल, शुष्मा शर्मा लगायतले काभ्रेपाल्चोकको वानगथलीकी लक्ष्मी परियारको हत्याको योजना नै बनाएर हत्या गर्ने हत्याराहरु लाई कडा भन्दा कडा कारबाहीको लागि सरकारको ध्यानाकर्षण गराएका छन् ।
टिप्पणियाँ
एक टिप्पणी भेजें