प्रदेसीको दसै

म
प्रदेशी
बिहान घडीको
टिक टिक संगै उठे ।
नेपाली क्यालेन्डरको पन्ना पल्टाए
रातो अक्षरमा लेखेको दसै भेटाए ।
मन मनै सोचे आज नेपालीको महान पर्व
साहुको मेलोमा खट्नु पर्ने छैन कुनै हर्ष ।

न
खुसी
हुन सक्छु
न चिच्याएर रुन ।
जसरी पनि सम्झाउन पर्ने यो दुखी मन ।
रेडियो टिभी युट्युबमा बज्दा दसै धुन
घर छोडी प्रदेश आए सकिन कमाउन धन
भक्कानिन्छ यो छाती सम्झेर झन झन ।

हो
हिजो
फेसबुक को
भित्ता भरि केही ले बलि को बिरोध गरे ।
कोहि खसी बोका काटेका फोटो शेर गरे ।
आज धेरैले निधारमा रातो टीका भरे
म प्रदेशी सबैको फोटो हेरि ट्वाल्ल परे ।

र
पनि
यहाँ आज
यो संजाल चौतारीमा ।
बिस्वका अभियान्ता ज्यु हरु संग ।
आशा भरोसा मिलन संगै लिएर उमंग ।
बिबस्ता भरी म प्रदेसीको एउटा चाहाना
शुख शान्ती समृद्धी सुस्वास्थ्यको सबैलाइ
बिजय दसमिको शुभकामना । शुभकामना ।।

बिनोद गोतामे
अध्यक्ष ,दलित एकता संजाल नेपाल युएई