रगत रातै छ भाषा संस्कृति देश एउटै छ
किन गाउँ सहर गल्ली गल्ली मा बिभेद छ
थाहा छ मानव सभ्यता कै कलंक हो छुवाछुत प्रथा ॥
मान्छे मान्छे मा उच निच जात बनायौ
श्रम जीवी बर्ग लाई दलित (सानो जात) बनायौ
थाहा छ मानव सभ्यता कै कलंक हो छुवाछुत प्रथा ॥
परापुर्व कालको नियम भनी छुवाछुत भेदभाव
सम्रक्षण गर्दै आफूलाई उच्च जाति घोषित गर्यौ
थाहा छ मानव सभ्यता कै कलंक हो छुवाछुत प्रथा ॥
जन्मदा रिति रिवाज त्यही छ मर्दा लाने घारो त्यही छ
त्यो जात यो जात भन्छौ किन दिनहुँ बिभेद गर्छौ
थाहा छ मानव सभ्यता कै कलंक हो छुवाछुत प्रथा ॥
मान्छे मान्छे नै हो यो बुझिदेउ जातिय पर्खाल खडा
गरि भेदभाव गर्न छोडि देउ छोइ छिटो हटाइ देउ
थाहा छ मानव सभ्यता कै कलंक हो छुवाछुत प्रथा ॥
याद गर सृष्टि सृजना मा एउटै आमा का सन्तान हौ
कोही काला भए कोही गोरा भए आखिर मानव नै हौ
थाहा छ मानव सभ्यता कै कलंक हो छुवाछुत प्रथा ॥
गोत्र हेर थर हेर कोही दलित भन्ने भेटाउने छैन
दलित बनेका होइन बनाईएको हो बुझ हामी ढुङ्गा को होइनौ
थाहा छ मानव सभ्यता कै कलंक हो छुवाछुत प्रथा ॥
~~~~~~~~~
प्रकाश सुनार घिमिरे
रकुवा ३ नवलपरासी
टिप्पणियाँ
एक टिप्पणी भेजें