युएई, भदौ २३ - घर छोडेर परदेश हिंडेका युवा कहिले घर आगनमा टेक्लान ? ६ महिना, एक वर्ष वा दुई वर्ष यस्तै ! तपाईंहाम्रो दिमागमा यस्तै कुरा खेल्नु स्वभाविक हो । तर रुपन्देहीका एक युवा युएई आएको १४ दिनमै घर फर्किएका छन । उनी बिदेशिदा बोकेका सपना पुरा गरेर भने फर्किएका होइनन । 'सपना आकाशमा,शब बाकसमा घरको आगनमा' आएपछि अहिले ढेकावार २ केरवानी ६ नम्बर चौराह चोक पुरै शोकमा डुबेको हो । उहाको शब मंगलवार राती घरमा पुगेको छ ।
पर्यटक भिसामा युएई आएका रुपन्देही केरवानीका दिपेश सुनारको यहाँ आएको ४ दिनमै ज्यान गएको थियो । उहाको भदौ १०(२६ अगस्ट) शुक्रबार बिहान हृदयघातका कारण ज्यान गएको थियो ।
कामका लागि यस् अघी झन्डै २ बर्ष रसिया बसेर ४ महिना पहिले बुवाको निधन भएका कारण उताको काम छोडेर २४ बर्षिय सुनार नेपाल फर्किनु भएको थियो । नेपाल बसेर बाबुको काजकीरिया सकेर दुबईमै कार्यरत आफ्नै बाल्यकालको साथी हेम गुरुङको केही आर्थिक सहयोगमा एक लाख नेपाली रुपैया खर्चेर भिजिट भिसा (पर्यटकिय)मा उहा भदौ ७ (अगस्ट २३) दुबइ आउनु भएको थियो । आँफैले रोजेको भने जस्तो काम गर्ने र परिवारको गर्जो टार्ने सपना उहाको यहाँ आएको ४ रातमै टुट्यौ ।
साँढे ३ महिनाको गर्भवती श्रीमती , आमा र एक छोरा छोडेर परदेशिएका उहाको ज्यान गए सँगै परिवारको विचल्ली भएको छ । कमाएर ल्याउने घरको एउटा छोरा त्यो पनि परदेश गएको ४ दिनमा ज्यान गुमाएपछि परिवारको विचल्ली भएको स्थानिय सन्चारकर्मी यम रानाले जानकारी दिनुभयो ।
पर्यटकिय भिसामा रहदा ज्यान गएकाले उहाको शब नेपाल पुराउन जटिलता भएको थियो । उहाको ज्यान गएको बारे उज्यालो अन्लाईनमा समाचार प्रकाशन भएपछि युएईमा सहयोग स्वरुप रकम सकंलन अभियान चलाईेएको थियो । सुनारको शब नेपाल पुराउन दलित सन्जाल र विश्वकर्मा समाज युएईले १० दिन लगाएर आर्थिक सहयोग जुटाएका हुन । झन्डै ३ लाख नेपाली रुपैया खर्च लागेको सन्जालका अध्यक्ष विश्वकर्माले बताउनु भयो ।
दलित संजाल र विश्वकर्मा समाज युएईले संयुक्त पहल गरि सुनारको शब नेपाल पठाउन आर्थिक सकंलन गरिएको थियो। हाल सम्म समाजले सकंलन गरेको रकम सार्वजनिक भएको छैन । समाजले सकंलन गरेको रकम अब सुनारका बालबालिकाको लागि राहतस्वरुप प्रदान गर्न चाहेको बिस्वकर्मा समाज का अध्यक्ष बाबुराम बिस्वकर्मा ले बताउनु भएको छ ।
यो अभियान लाई सम्पन्न पार्न आबुधाबीमा सकृयता पुर्बक लागि पर्नु भएका बिस्वकर्मा समाज का छवीलाल बिश्वकर्मा र संजाल अभियन्ता चुडामणि बिस्वकर्मा लाई दुबै संस्थाका अध्यक्ष द्वय बिस्वकर्मा ले धन्यबाद दिएका छन ।
शव नेपाल पठाउन सहयोग गर्ने दलित सन्जाल , विश्वकर्मा समाज, पत्रकार तथा नेपाली दुतावास आबुधाबीले गरेको सहयोग अनुकरणिय रहेको मृतकका मामा शंकर शर्माले बताउनु भयो ।
टिप्पणियाँ
एक टिप्पणी भेजें